ປະທານາທິບໍດີອູແກຣນ ປະຕິເສດການເຈລະຈາ ສັນຕິພາບກັບ ຣັດເຊຍ
ວິທະຍຸກະຈາຍສຽງຫວຽດນາມ ເປີດເຜີຍ ວັນທີ 4 ພະຈິກ ວ່າ: ໃນການປະຊຸມຖະແຫຼງຂ່າວຢູ່ ກີແອບ ກັບ ທ່ານ ນາງ ເອີ
ຊູລາວອນ ເດເລເຢນ ປະທານຄະນະກຳມະການ ເອີຣົບ, ທ່ານ ໂວໂລດີເມຍ ເຊເລນສະກີ ປະທານາທິບໍດີ ອູແກຣນ ໄດ້ຍົກເລີກກໍ
ລະນີດຳເນີນການເຈລະຈາສັນຕິພາບ ກັບຣັດເຊຍ.
ທ່ານປະທານາທິບໍດີ ອູແກຣນ ປະຕິເສດຂໍ້ມູນຂ່າວທີ່ຖືວ່າ ບັນດາປະເທດຝ່າຍຕາເວັນຕົກ ພວມສ້າງຄວາມກົດດັນບັງຄັບໃຫ້
ທ່ານຕ້ອງເລີ່ມດຳເນີນການເຈລະຈາກັບ ຣັດເຊຍ. ໂດຍໃຫ້ຄຳວິຈານກ່ຽວກັບຖະແຫຼງການຂອງ ທ່ານ ວາແລຣີ ຊາລຸສນີ ລັດຖະມົນ
ຕີກະຊວງປ້ອງກັນປະເທດ ທັງເປັນຜູ້ບັນຊາການໃຫຍ່ກອງທັບ ອູແກຣນ ກ່າວເຖິງສະພາບການຢູ່ສະໜາມຮົບແມ່ນ “ບໍ່ມີທາງອອກ”,
ຜູ້ນຳອູແກຣນ ກ່າວຕື່ມວ່າ: ກີແອບ ເຄີຍປະເຊີນໜ້າກັບບັນດາເງື່ອນໄຂຫຍຸ້ງຍາກກວ່າອີກ, ໂດຍສະເພາະແມ່ນຈຸດເວລາເລີ່ມເກີດ
ການປະທະກັນ. ທ່ານເນັ້ນໜັກວ່າ: ບັນຫາໜັກໜ່ວງໃນປະຈຸບັນແມ່ນ ຣັດເຊຍ ຄວບຄຸມເຂດນ່ານຟ້າເອົາໄວ້ ແລະ ມາດຕະການແກ້
ໄຂບັນຫານີ້ ແມ່ນຝ່າຍພັນທະມິດຄວນສະໜອງເຮືອບິນສູ້ຮົບ F-16 ໃຫ້ ກີແອບ.
ນອກນັ້ນ, ຜູ້ນຳ ອູແກຣນ ຍັງຍອມຮັບວ່າ: ການປະທະກັນຢູ່ຕາເວັນອອກກາງ ເຮັດໃຫ້ຄວາມສົນໃຈຂອງປະຊາຄົມສາກົນຕໍ່ ອູ
ແກຣນ ຫຼຸດລົງ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/11/2023